Алматыда жалғызбасты зейнеткерлерді қолдау мақсатында «Игі істер» марафоны өтіп жатыр

Алматыда жалғызбасты зейнеткерлерді қолдау мақсатында «Игі істер» марафоны өтіп жатыр. Қайырымдылық шара аясында Наурызбай ауданының жас дәрігерлері мен еріктілері білесіп, көмекке мұқтаж қариялардың үйін аралады. Олар зейнеткерлердің денсаулығын тексеріп, алғашқы көмекке қажетті дәрі-дәрмек қорабын сыйға тартты, деп хабарлайды Almaty.tv.

Сондай- ақ, ұйымдастырушылар жергілікті тұрғындарға тегін маска, антисептик таратып, вакцина алу бойынша ақпараттық түсіндірме жұмыстарын жүргізді.

«Менің аймақтық дәрігерлерге алғысым шексіз. Себебі мен сырқаттанып қалғанда укол салып, дәрігерлерін алып келді. Енді сендер келіпсіңдер, бәріңе көп рақмет», – деді жалғызбасты зейнеткер Нұрбибі Бөкенова.