Қазақстандық кәсіпкер туған ауылына 12,4 млн теңгеге дәрі-дәрмек жіберді

Павлодар облысының Баянауыл ауылындағы орталық аудандық ауруханаға Мәскеудегі қазақстандық кәсіпкер көмек ретінде берген дәрі-дәрмектің ірі партиясы жеткізілді. Қайырымдылық жасаған азамат өз есімінің жасырын болғанын қалаған, деп хабарлайды Almaty.tv тілшісі  Nur.kz-ке сілтеме жасап. 

Көмекті Баянауылда туып-өскен қазақстандық кәсіпкер жіберген. Бизнеспен айналысуды қолға алған ол қазіргі уақытта Мәскеуде тұрады. Ірі көлемдегі көмектің ішінде дәрі-дәрмектер, оттегі концентраторлары және басқа да қажетті заттар бар.

Аймаққа келген дәрі-дәрмектерді қабылдау мен таратуды Қазақстанның сыбайлас жемқорлыққа қарсы қызметі және «Ертіс» жобалық кеңсесінің қызметкерлері өз мойнына алды. Бұл дәрі-дәрмектерді сатпау үшін дәрі-дәрмектің әр пакетіне «Тегін» арнайы мөрі қолданылған.

Жобалық кеңсе өкілдері кәсіпкердің бұл әрекетін «отанына деген сүйіспеншіліктің көрінісі» деп атады, өмірлік маңызды дәрі-дәрмектермен көмек береді. Сонымен қатар, аты-жөнін атғысы келмеген меценаттың жалғыз өтініші көрсетілген көмекті пайдаланудың ашықтығын қамтамасыз ету екені белгілі. Еске сала кетсек, Қазақстан Республикасының Чехиядағы елшісі Марат Тәжиннің өтініші бойынша бірқатар чех кәсіпкерлері елімізге медициналық жабдықтарды, жеке қорғаныс құралдары мен басқа да медициналық мақсаттағы бұйымдарды жіберді.