Көпшілігі әйелдер: Қазақстан халқы туралы жаңартылған деректер

Ұлттық статистика бюросы 1 маусымдағы Қазақстан халқының саны мен құрамы туралы жаңартылған деректерді жариялады. Мәліметтерге сәйкес, қазіргі уақытта елде ерлерге қарағанда әйелдер көп, деп хабарлайды Аlmaty.tv тілшісі tengrinews.kz-ке сілтеме жасап.

Ведомство мәліметінше, жаздың басында елде 20 139 914 адам болған. Оның ішінде әйелдер 10,3 миллионнан асады, ал ерлер - 9 миллион 837 мың. Осылайша, ерлер әйелдерге қарағанда 464 мыңға (немесе 2,3 пайызға) аз.

Қаңтардан мамырға дейін Қазақстанда 155,1 мың сәби дүниеге келген, бұл осы кезеңде қайтыс болған адамдар санынан үш есе көп (55,5 мың адам). Халықтың табиғи өсімі 99,6 мың адам болған. Көші-қон балансы да оң болған: елге 12,2 мыңнан астам адам келді, ал Қазақстаннан 5753 адам кеткен.

Қазақстан халқының басым бөлігі, 12,5 миллионнан аса адам, қалаларда тұрады, дегенмен тұрғындардың едәуір бөлігі, 7,5 миллионнан астам адам ауылдық жерлерде тұрады. Қарқынды урбанизация жалғасып жатыр, салыстыру үшін 2021 жылдың 1 маусымында қала халқы 11,1 миллион, ал ауыл халқы 7,6 миллион болған.

Оқи отырыңыз:Астана күнінде қазақстандықтар қалай демалады