Қазақстанда қанша миллион халық тұрады

Қазақстанда халық саны 20 миллионға жақындап қалды. Ұлттық статистика бюросы 2023 жылғы 1 қазандағы жағдай бойынша ел халқының саны туралы жаңа мәліметтер жариялады, деп хабарлайды Аlmaty.tv тілшісі Ұлттық статистика бюросына сілтеме жасап.

Статистиктердің мәліметіне сүйенсек, 2023 жылғы 1 қазандағы жағдай бойынша Қазақстандағы халық саны 19 967 964 адам болды.

Оның ішінде:

Қала тұрғыны – 12 387 957 адам;

Ауыл тұрғыны – 7 580 007 адам.

Жыл басынан бері халық өсімі 1,02% немесе 201,1 мың адам болды.

Халық санының ең жоғары өсу қарқыны:

Астана қаласында – 4,06%;

Алматы қаласында – 2,28%;

Маңғыстау облысында – 1,94%.

Республикалық маңызы бар қалалардан басқа, тұрғындар саны миллионнан асатын аймақтар – Түркістан (2 137 694), Алматы (1 524 539), Жамбыл(1 221 976) және Қарағанды (1 135 601) облыстары. Халықтың табиғи өсімі есебінен, яғни туу және қайтыс болу деректерін ескергенде, халық саны 194 753 адамға өсті. Көші-қон өсімі есебінен халық саны 6 404 адамға көбейді, бұл сальдоның оң екенін көрсетед. Халықтың табиғи қозғалысы есебінен өсудің ең жоғары қарқыны Түркістан облысында байқалды, онда халық саны 34 097 адамға, Шымкент қаласында 19 242 адамға, Алматы облысында 18 251 адамға өсті. 

Халық өсімінің аталған қарқынын ескерсек, 20 миллион адам көрсеткіші 2023 жылғы қарашада болады деп күтіліп отыр.

Оқи отырыңыз: Жаңа жылдан азаматтардың саусақ ізін тіркеу басталады