Шахматтан Қазақстан құрамасы әлемдік рейтингте үздік 8 елдің қатарына кірді. Спортшылар «Онлайн олимпиада – 2021» турнирінде жоғары нәтиже көрсетіп, ширек финалға дейін жетіп еді. Алайда, АҚШ құрамасынан жеңіліс тауып, жарыс жолын аяқтады, деп хабарлайды Almaty.tv
Осылайша, ел шахматшылары топтық дивизионда турнир фавориті саналған Армения, Қытай, Румыния спортшыларынан басым түсіп, мықтылығын дәлелдей білді.
«Мен бұл турнирге осымен 2 жыл қатарынан қатыстым. Мұндай форматта ойнау ұлттық құрама спортшылары үшін ыңғайлы. Осы жолы шахматшыларымыз тарихта болмаған жетістікке қол жеткізіп, үздік 8 елдің қатарына кіргенімізге қуаныштымыз», – деді шахматтан Қазақстан ұлттық құрамасының мүшесі Рустам Хуснутдинов.
