Алматыда мүмкіндігі шектеулі жандарға арналған Ашық есік күні өтті

Алматыдағы №21 қалалық емханада мүмкіндігі шектеулі жандарға арналған Ашық есік күні өтті, деп хабарлайды Almaty.tv.

Дәрігерлер, оның ішінде тар бейінді маман-дәрігерлер азаматтарды алдын ала жазылусыз қабылдады. «Nur Otan» партиясының мүшесі, бас дәрігер Наталья Рахальскаяның айтуынша, іс-шараның негізгі мақсаты-халықтың назарын өз денсаулығына аудару.

Іс-шара аясында медициналық көмекке 15 адам жүгінді, қалған медициналық қызметкерлер көрсетілім бойынша үйде болды. Шараның жалпы қамтылуы шамамен 50 науқасты құрады.

«Өздеріңіз білетіндей, мүмкіндігі шектеулі жандар қарапайым күндері де кезексіз өтеді. Бұл іс-шара терапевт дәрігерлерден басқа, тар бейінді мамандар да қабылдауды жүргізеді. Бұл бір күнде әр түрлі профильдегі дәрігерлерге жазылусыз баруға жақсы мүмкіндік», –  дейді Наталья Рахальская.

Консультациялық медициналық көмек көрсету үшін невропатолог, кардиолог, отоларинголог, хирург, уролог, онколог-маммолог, эндокринолог сияқты мамандар, сондай-ақ ішкі ағзалардың УДЗ, маммография сияқты аспаптық зерттеу әдістері қолжетімді болды. Сондай-ақ, кеңестік пункттер жұмыс істеді, олардың құрамына әлеуметтік жұмыс жөніндегі мамандар мен психологтар кірді, олар қатысушыларды әлеуметтік мәселелер бойынша хабардар етті және кеңес берді.

Өз кезегінде пациенттер іс-шараны ұйымдастырушыларға өз алғыстарын білдірді.

«Негізінде, менде ештеңе ауырмайды, бірақ акция туралы білгеннен кейін мен әлі де жанымды тыныштандыру үшін тексеруге келдім. Менің қант, несеп қышқылы, қандағы холестерин деңгейімді тексердік, бәрі қалыпты деді», –  дейді зейнеткер Роза Мербаева.

Өкінішке қарай, бәрі бірдей жақсы болған жоқ. Бас дәрігердің айтуынша, стационар жағдайында емделуді қажет ететін науқастар анықталған. Оларға ауруханаға жатқызу үшін жолдама берілді.

Естеріңізге сала кетейік, қалалық емхананың негізінде «Nur Otan» партиясының жүзге жуық мүшесі бар «Денсаулық-21» бастауыш партия ұйымы құрылған болатын. Іс-шара барлық санитарлық ұсыныстарды сақтай отырып ұйымдастырылды.