Қаңтар оқиғасының алғашқы қатысушыларына рақымшылық жасалды

Almaty.tv

Бұл туралы Бас Прокуратура өкілі мәлімдеді

Қаңтар оқиғасының алғашқы қатысушыларына рақымшылық жасалды. Бұл туралы Бас Прокуратура өкілі мәлімдеді, деп хабарлайды Almaty.tv.

Елдос Қилымжановтың айтуынша, қазір атқарушы органдар 878 сотталғанға қатысты мерзімін қысқарту және жазадан босату туралы ұсыныс жолдаған. Тергеу органдары сотқа дейінгі тергеп-тексеру барысында орта дәрежелі қылмысты жасаған 5 күдіктіге қатысты қылмыстық қудалауды тоқтатыпты.

«Барлық істер бойынша 3000-нан астам сараптама жүргізілді. 1249 адамға қатысты 552 іс сотқа жолданып, 1113 азамат, оның ішінде жаппай тәртіпсіздікке қатысқаны үшін 423 адам сотталды», – деді ҚР Бас прокуратураның қылмыстық қудалау қызметі бастығының орынбасары Елдос Қилымжанов.