Абай облысындағы апаттан зардап шеккендерге гуманитарлық көмек жіберіліп жатыр

Семей орман резерватындағы апаттан зардап шеккендер үшін Алматыдан гуманитарлық көмек жіберіліп жатыр, деп хабарлайды Almaty.tv.

Мәселен, бүгін таңертеңгі рейспен бірінші кезекте қажетті құралдар жөнелтілді. Өрт болған аумаққа жақын маңда орналасқандарға азаматтар тарапынан көмек әлі де көрсетіледі. Еріктілер бұл мақсатта апта бойы жұмыстың жалғасатынын жеткізді.

«Қазіргі таңда 5 тоннаға жуық зат қабылданды. Оның 1 тоннасын кеше жіберіп, әуежайға тапсырдық. Бүгін Семей қаласына жетіп қалды. Негізінен, ол жақта әріптес-волонтерларымыз қабылдап, бізбен байланыста отыр. Келесі аптаның ортасына дейін біз барлық жүкті жеткіземіз», – дейді Еріктілер фронт-кеңсесінің жетекшісі Бағдат Анарбаева.