CAREER TIME: Алматыда жалпықалалық бос орындар жәрмеңкесі өтеді

Алматыда 2022 жылдың 7 желтоқсанында "Балуан Шолақ" спорт кешенінде  "CAREER TIME" – жалпықалалық бос орындар жәрмеңкесі  өтеді, деп хабарлайды Almaty.tv.

Бос орындар жәрмеңкесінің мақсаты - жұмыс беруші мен жұмыс іздеуші арасындағы тікелей байланыс арқылы білім беру ұйымдарының түлектері мен жастарды жұмысқа орналастыруға жәрдемдесу.

NEET санатындағы жастардың үлесін төмендетуге ерекше назар аударылады (жұмыссыз, біліммен немесе кәсіптік даярлықпен айналыспайтын және білім беру жүйесі мен жұмыспен қамту саласынан тыс жастар).

Ресми статистикаға сәйкес, оңтүстік астанада 14-35 жастағы азаматтардың жалпы санынан NEET үлесі 6,0 % құрайды. Айта кету керек, "Алматының 2025 жылға дейінгі даму бағдарламасында" жастар саласындағы негізгі индикатор бұл көрсеткішті 3% - ға дейін төмендету болып табылады.

Мамандар ҚР еңбек заңнамасына сәйкес толық ақпаратпен бөлісіп, жәрмеңке қонақтарына буклеттер, жадынамалар сияқты анықтамалық-ақпараттық материалдарды ұсынады.

Бағдарламада жұмысқа орналастыру бойынша жетекші мамандардың шеберлік дәрістері қарастырылған.