Адам құқықтары жөніндегі уәкіл түзеу мекемесіне барды

Адам құқықтары жөніндегі уәкіл Артур Ластаев Алматыға жұмыс сапары аясында балалар омбудсмені Аружан Саинмен бірге Алматы қаласы бойынша ҚАЖД №11 түзеу мекемесіне барып, кәмелетке толмаған сотталғандарды ұстау шарттарын қарап, олардың сұрақтарына жауап берді, деп хабарлайды Almaty.tv.

Негізінен, сұрақтар сотталғандарды шартты түрде мерзімінен бұрын босатуға, кездесулерді ұйымдастыру мен өткізудің нормативтік тәртібіне қатысты болды.

«Сотталған азаматтардың жеке сұрақтарына жауап беру кешенді жұмыстың маңызды бөлігі болып табылады. Бұл пенитенциарлық жүйедегі жүйелік мәселелерді анықтауға мүмкіндік береді. Барлық көтерілген мәселелер жабық мекемелерде ұсталатын адамдардың құқықтарын қамтамасыз ету бойынша одан әрі шаралар қабылдау үшін талданатын болады», - деді Ластаев.

Сонымен қатар омбудсмен қаланың ҚАЖД басшылығымен бірлесіп мекеменің тұрғын, тұрмыстық және өндірістік аумағын қарады. Белгіленген талаптарға сәйкес келетін отрядтарды, асхананы, клубты, кітапхананы, акт залын, медициналық кабинетті және ұзақ кездесулер өткізуге арналған бөлмелерді қарап шықты.

Іс-шара соңында омбудсмен №11 мекемедегі жиналыс барысында Алматы қаласы ҚАЖД бөлімшелері мен мекемелерінің басшыларына қылмыстық-атқару жүйесі мекемелерінде ұсталатын кәмелетке толмағандардың құқықтары мен бостандықтарын қорғауды сақтау жөніндегі Адам құқықтары жөніндегі уәкілдің өңірлік өкілімен өзара іс-қимыл жасауға шақырды.

Адам құқықтары жөніндегі уәкілдің және оның кеңсесі қызметкерлерінің түзеу мекемелеріне шығу сапарлары тұрақты негізде жүргізілетін болады.