«Шардара» су қоймасы мерзімінен бұрын толып, 22 елдімекенді су басу қаупі бар

«Шардара» су қоймасының мерзімінен бұрын толатын түрі бар. Мамандар алдын ала осындай қауіпті болжам жасап отыр, деп хабарлайды Almaty.tv.

Айтуынша, көктемде апаттық жағдайға әкелуі мүмкін екен. Қазіргі күні Сырдария өзенінің жоғарғы ағысының артуы салдарынан «Шардараға» келетін су мөлшері де ұлғайған. Қазір секундына 933 текше метр су құйылып жатыр. Егер тасқын болатын болса, 34 мың халқы бар 22 елдімекен су басу алдында тұр.

«Былтырғы жылмен салыстырғанда биылғы жылдың көлемі үлкен. Былтыр вегетация кезең аяқталғанда «Шардараға» су қоймасы минималды деңгейде аяқталған еді», – деді «Қазсушар» РМК орталық аппаратының эксплуатация және су пайдалану бөлімінің басшысы Ербол Салихбаев.