Орталық мешіт заманауи талаптарға сай жабдықталмақ

Жобаға сәйкес, онда балалар ойнайтын алаң, заманауи талаптарға сай субұрқақтар орнатылады

Медеу ауданының әкімі Сұлтанбек Мәкежанов кеше «Акимат лайф» бағдарламасында Орталық мешіт ауласының абаттандырылып, заманға сай жабдықталатынын айтты, деп хабарлайды Almaty.tv тілшісі.

Жобаға сәйкес, онда балалар ойнайтын алаң, заманауи талаптарға сай субұрқақтар орнатылады.

«Көгалдандыру, суландыру мәселелері қарастырылып, біз арнайы байқау жарияладық. Жақын арада соның нәтижесі көрінеді. Биыл мешіттің айналасын толықтай абаттандырып, көгалдандырып, халықтың игі тілегін орындаймыз деп отырмыз», – деді Медеу ауданының әкімі Сұлтанбек МӘКЕЖАНОВ