Жетісу өңірінің азаматтары маңғыстаулықтарға шөп жөнелтті

Жетісу өңірінің азаматтары батыстағы ағайынды қолдау мақсатында маңғыстаулықтарға шөп жөнелтіп жатыр, деп хабарлайды Almaty.tv.

Бірнеше аптаға созылған аптап ыстық шаруалар үшін нағыз сынаққа айналды. Яғни, жазда мүлдем жаңбыр болмағандықтан, жайылымдар құрғап, мал азықсыз қалған. Соған байланысты Ескелді ауданының тұрғындары бірнеше вагон шөп тиеп, Маңғыстау халқына қол ұшын беріп жатыр.

«Басында қалай болады деп ойладық? Аллаға шүкір, тәуба, халық қолдады. Ел қолдады. Халықтың арқасында осындай деңгейге жетіп, 5 вагондай шөбіміз тиеліп...», – деді Қайнарлы ауылының тұрғыны Шалқар Бекен.