Алматыда сейсмикалық жаттығу өтті

04.10.2019 03:26

Жаттығуға 70-ке жуық арнайы маман мен 20 техника жұмылдырылған

Алматыда түс кезінде соғылған дабыл шаһар тұрғындарын елең еткізді. Бұл құтқару қызметінің зілзалаға дайындығын пысықтау болатын. Жалпы қалалық оқу-жаттығу кезінде мектеп оқушылары сыртқа шығарылып, эвакуациялық нүктелердің мүмкіндігі тексерілді. Жаттығуға 70-ке жуық арнайы маман мен 20 техника жұмылдырылған, деп хабарлайды Almaty.tv тілшісі.

«Бізде жыл сайын Алматы қаласының әкімшілігімен бірлескен жалпықалалық сейсмикалық жаттығу өтіп тұрады. Мақсат – төтенше жағдай бола қалса, тұрғындарды қалай әрекет етуге үйрету», - деді Алматы қалалық Төтенше жағдайлар департаменті басшысының орынбасары Самат МҰРТАЗИН.