Алматылық оқушылар Қазақстанның рекордтар кітабына енді

пресс-служба акимата

Білім басқармасының басшысы Ләззат Жылқыбаева ойынды салтанатты түрде бастап берді

9 қыркүйек «Тоғызқұмалақ» күніне орай 2000-нан астам алматылық жоғары сынып оқушылары бір мезетте тоғызқұмалақ ойнап, Қазақстанның рекордтар кітабына енді, деп хабарлайды Almaty.tv.

Аталған іс-шараны Алматы қаласы әкімдігінің қолдауымен Алматы қаласының тоғызқұмалақ зияткерлік қауымдастығы ұйымдастырды.

Алматы қаласы Білім басқармасының басшысы Ләззат Жылқыбаева ойынды салтанатты түрде бастап берді. Сонымен қатар Алматы қаласы тоғызқұмалақ зияткерлік ойынының ордасы болып таңдалды. Мұны Дүниежүзілік және Республикалық тоғызқұмалақ федерациясының президенті Әлихан Бәйменов хабарлады.

2020 жылы тоғызқұмалақ ЮНЕСКО шешімімен адамзаттың мәдени мұра тізіміне енгізілді.