Еліміздің Сыбайлас жемқорлыққа қарсы қызмет өкілдері мемлекеттік қызметкерлер мен ұжымдарға қымбат мейрамханаларда корпоратив кеш өткізудің орнына жағдайы төмен отбасыларға сыйлық алып беруді ұсынды. Сондай-ақ олар мектеп мұғалімдері оқушылардан қымбат сыйлық тұрмақ, бір қарындаш алуына болмайтынын айтты деп хабарлайды Almaty.tv тілшісі.
«Мемлекеттік қызметкерлерге тұрғындар сыйлық бермеуі керек. Ол заңда көрсетілген. Егер сыйлық құны 2 АЕК-тен асса, әкімшілік құқық бұзушылық болады. Ал 6 АЕК-тен асса қылмыстық іс қозғалып, іс сотқа кетеді», - деді Алматы қаласы сыбайлас жемқорлыққа қарсы іс-қимыл департаменті басқармасының басшысы Ернар ИГІЛІКОВ.
