Меншікті өндіріс
Біз әлеуметтік желілердеміз
Алматыда студент қызды туыстары төрт күннен бері іздеп жатыр
Бойжеткен әлеуметтік желілерде кейде онлайн болып отырады екен
Алматыда туыстары төрт күннен бері 19 жастағы студент Нура Әл Накауаны іздестіріп жатыр, деп хабарлайды Tengrinews.kz.
Instagram әлеуметтік желісінде @_volontery_almaty_lider.kz іздеу тобының паблигінің мәліметінше, бойжеткен 7 маусым күні жоғалып кеткен. Ол Орбита-4 ықшамауданындағы үйінен сағат 17:00-де шыққаннан, қайтіп оралмаған.
«Алматы полиция департаменті баспасөз қызметінің өкілдері 19 жастағы Нура Әл Накауаның жоғалғаны туралы арыз Бостандық аудандық полиция басқармасына түскенін хабарлады. 8 маусымда құқық қорғау органдары өкілдерінің мәліметінше, ол ел аумағынан шығып кеткен. «Жоғалу дерегі бойынша азаматша Қырғызстанмен шекарадан өткені белгілі болды. Қыз кәмелетке толған. Қазіргі уақытта Қазақстан аумағында іздеу жұмыстары тоқтатылды», - дейді Алматы қалалық ПД баспасөз қызметінің өкілдері.
Сурет: vk.com сайтынан
Анасының айтуынша, қызы БАӘ-ден келген күні жоғалып кеткен.«Нура егер сен біздің хабарламамызды көріп отырсаң, үйге оралшы, барлығы туралы сөйлесеміз, біз сен үшін уайымдап отырмыз», - дейді жоғалып кеткен қыздың анасы Гүлзада Тоғайбаева.
Туған-туысқандарының мәліметінше, қыздың телефоны өшірілген, бірақ ол әлеуметтік желілерде кейде онлайн болып отырады екен. Алайда ол хабарламаға жауап бермейді.