Күйші Ш. Әбілтай қыршыннан қиылған боздақтарға күй арнады

Боз далада қалың қазақты ботадай боздатып, нақақтарды аяусыз атып, түрлі лагерьге айдаған сол бір зұлмат жылдар ешкімнің есінен ешқашан өшпейтіні белгілі. Ашаршылық пен саяси қуғын-сүргінге талай ескерткіш тұрғызылса да, жұрт жадындағы мұң сейілмейді. Ал, Қазақстанның еңбек сіңірген қайраткері Шәміл Әбілтай осы зобалаңда зар илеген ана мен әкенің қайғы-мұңын, қыршыннан қиылған боздақтардың тағдырын домбыраға арқау етіп, күй арнады. Күйдің аты – «Тоқай-тағдыр».  Бұл туындыны естіген атыраулық ақын Таңатар Дәрелұлы қоңыр күйді жанымен сезініп, оның оқиға желісіне жоқтау өлең жазған.  

Жаңа көрген жандаймын таңды мына,

Тасыттың-ау тебірентіп қанды құмар.

Құрбандардың рухына күймен тағзым,

Бұл аштыққа арналған мәңгі мұра.