Әуезов ауданында ұстаздар марапатталды

Ұстаздарды ұлықтау шаралары Алматы қаласының Әуэзов ауданында да аталып өтті. Мұғалімдерді кәсіби мерекесімен құттықтау шарасына аудандағы барлық 42 мектеп, 154 балабақша, 21 орта оқу орны және 6 жоғары оқу орындары қатысты, деп хабарлайды Almaty.tv тілшісі.

Білім мен ғылым жолында белсенді еңбек етіп жүрген ұстаздардың құрметіне арналған концерттік бағдарлама қойылып, аудан әкімі ұстаздарды құрмет грамотасымен марапаттады. 41 жыл өмірін білім саласына арнаған ауданның ардақты ұстазы Ысқақ Нұрмұхаммедов те – марапатталған  қадірлілердің бірі. Ол ұстаз мәртебесінің жоғарылауы - болашағымыздың жарқын болуының кепілі дейді.

«Барлық мұғалімдерді мейрамымен құттықтаймын. Зор денсаулық, жарқын болашақ тілеймін. Мұғалімдер енді біздің қоғамымызда бұдан да жоғары статусын алып, мемлекетімізге қажет жақсы маман, білімді жастар тәрбиелейді дегенге сенімім мол», - деді Алматы құрылыс техникалық колледжінің ұстазы Ысқақ НҰРМҰХАММЕДОВ.