Меншікті өндіріс
Біз әлеуметтік желілердеміз
Ақтөбе облысында көлік апатынан бір адам қаза тапты
Үш адам түрлі жарақат алып, ауруханаға жеткізілді
Ақтөбе – Жайсаң автожолында екі көлік соқтығысып, соның салдарынан бір адам қаза тапты, деп хабарлайды Almaty.tv.
Облыстық полиция департаментінің хабарлауынша, қайғылы оқиға 10 сәуірде шамамен сағат 23:00-де болған.
"Алдын ала мәліметке сәйкес, ВАЗ-2115 және Lada Granta автокөліктері соқтығысқан. Апат салдарынан ВАЗ-2115 көлігінің жүргізушісі оқиға орнында қаза тапты", - делінген ПД хабарламасында.
Ал екінші көліктің жүргізушісі мен екі жолаушы түрлі жарақат алып, ауруханаға жеткізілді.
Аталған дерек бойынша тергеу амалдары жүргізіліп, оқиғаның барлық мән-жайы анықталып жатыр.
Полиция департаменті жүргізушілерге жол қозғалысы ережелерін қатаң сақтауды ескертеді. Әсіресе түнгі уақытта жылдамдықты асырмау, қарсы бағытқа шықпау және шаршаған күйде көлік басқармау қажеттігіне назар аударылды.
Оқи отырыңыз: Алматыда заңсыз айналымнан “синтетиканың” ірі партиясы тәркіленді