Ақшасын алып, денесін көміп кеткен: Қарасай ауданында күдікті ұсталды

ІІМ криминалдық полиция департаментінің қызметкерлері 2022 жылы Алматы облысы Қарасай ауданында жасалған қылмысты ашты, деп хабарлайды Almaty.tv.

Күдікті марқұмның 1,5 млн теңгеден астам қаражатын иемденіп алу үшін осындай қылмысқа барған. Кейін ізін жасыру мақсатында қаскүнем мәйітті оқиға болған жерден алып кеткен.

Жедел-іздестіру шаралары барысында қаскөй ұсталып, қамауға алынды. Тергеу әрекеттері кезінде ол жасаған ісін мойындап, кінәсін толық мойындады. Айғақтарды тексеру кезінде Алматы қаласы маңында су құбырлары жанынан қазба жұмыстары жүргізіліп, адам сүйектерінің фрагменттері табылды. Сот-генетикалық сараптама нәтижесінде олардың марқұмға тиесілі екені анықталды.

Қылмыстық іс "Адам өлтіру" бабы бойынша тергеліп жатыр. Тергеу органдары істі сотқа жолдау үшін сотқа дейінгі тергеу материалдарының толықтығын қамтамасыз етуде.

Дереккөз:Polisia.kz 

Оқи отырыңыз: Шымкентте көлік жүргізушісі тепловозбен соқтығысты