Ақтауда қаржы жымқырған құрылыс компаниясының басшылары ұсталды

Ақтауда үлескерлерден 5,5 жарым миллиард теңгеден аса қаржыны заңсыз жинаған құрылыс компаниясының басшылары бас бостандығынан айырылды, деп хабарлайды Almaty.tv.

 «ИнтерьерСтройАқтау» жауапкершілігі шектеулі серіктестігінің қызметкерлері «Сұлтан», «Аққала», «Мұрагер» көпқабатты тұрғын үйлерін салу кезінде ірі көлемде алаяқтық жасаған. Олар құрылысқа қажетті құжаттарды реттестірмей тұрып, 590 адаммен келісімшартқа отырған. Соның есебінен қаражатты заңсыз иемденген. Ал одан бөлек, атқарылған істің талапқа сай еместігі, құрылыс жұмысының уақытылы орындалмағаны анықталған.

«Тергеу барысында 5 жер учаскесі және 47 автокөлікке тыйым салынды. Сот үкімімен компания басшылары 3,5 жылдан 6,5 жылға дейін бас бостандығынан айырылды. Сондай-ақ зардап шеккен адамдардың шығынын  өтеу үшін 1,1 млрд теңге көлеміндегі мүлік тәркіленіп, өтемақы ретінде аударылды», – деп хабарлайды ҚР Қаржылық мониторинг агенттігінің басқарма басшысы Салтанат Көшербаева.

Оқи отырыңыз: Қазақстанның жалпы ішкі өнім көрсеткіші артты