Алдағы үш күнде ауа райы қандай болады

Алдағы үш тәулікте Қазақстан аумағының басым бөлігі атмосфералық фронтальды бөліктердің ықпалында болады, деп хабарлайды Almaty.tv.

"Қазгидромет" РМК ақпаратына сәйкес, ауа райы құбылмалы сипатта күтіледі. Тек елдің орталық және шығыс бөліктерінде антициклон жотасының ықпалымен жауын-шашынсыз ауа райы күтіледі. Республика бойынша тұман, желдің күшеюі, ал батыс, оңтүстік және оңтүстік-шығыс өңірлерде көктайғақ құбылыстары болжанады.

Солтүстік өңірлерде ауа температурасы түнде 12-23 градус аязға дейін төмендеп, күндіз 8-18 градус аяз шамасында болады.

Орталық облыстарда ауа температурасы түнде 5-17 градус аязға дейін көтеріліп, күндіз 0-10 градус аяз күтіледі.

Республиканың оңтүстігінде ауа температурасының біртіндеп жоғарылауы болжанады: түнде 6 градус жылы мен 7 градус аяз аралығында, күндіз 3-13 градус жылы болады.

Оңтүстік-шығыста түнгі температура 0-10 градус аязға дейін, таулы аудандарда 12-17 градус аязға дейін төмендейді, ал күндіз 3-10 градус жылы, таулы өңірлерде 3 градус аяз бен 2 градус жылы аралығында болады. Елдің қалған аумағында ауа температурасының айтарлықтай өзгерістері күтілмейді.

Оқи отырыңыз: Алматыда 26 қаңтар мен 1 ақпан аралығында ауа райы қандай болады