Алматы тауларында Құмбел шыңын бағындырған туристер құтқарылды

Төтенше жағдайлар министрлігінің құтқарушылары Алматы тауларында адасып кеткен екі туристі тапты, деп хабарлайды Аlmaty.tv ведомствоның баспасөз қызметіне сілтеме жасап.

Түнде Алматының шұғыл қызметтеріне Медеу ауданындағы «Құмбел» шыңынан екі жас жігіт түсе алмай жатқаны туралы хабарлама келіп түсті. 2004 жылы туған ер адамдар жолды таба алмайтындарын түсініп, көмек сұрады.

«Оқиға орнына дереу ҚР ТЖМ Республикалық жедел-құтқару жасағының жедел тобы шықты. Іздестіру-құтқару жұмыстарында ұшқышсыз ұшу аппараты мен спутниктік телефон пайдаланылды. Тәуліктің қараңғы уақытына және күрделі рельефке қарамастан, құтқарушылар Көкжайлау шатқалынан шыңға дейінгі жолды жаяу жүріп өтті», - делінген хабарламада.

Балалар 2850 метр биіктіктен табылды. Бақытымызға орай, олар зардап шекпеген және медициналық көмекке мұқтаж болған жоқ. ҚР ТЖМ құтқарушылары Алматының құтқару қызметінің құтқарушыларымен бірлесіп оларды Экопостқа дейін түсірді. Содан кейін олар өз бетінше үйлеріне кетті.

Оқи отырыңыз: Алматыда ашық аспан астында отандық фильмдер көрсетілімі басталды