Алматыда Қазақстан-Британ техникалық университетінің ғимараты өртенуде

Алдын ала мәліметтер бойынша, төртінші қабаттағы бөлмелердің бірінде жиһаздар өртеніп жатыр, деп хабарлайды Almaty.tv тілшісі ТЖМ-ға сілтеме жасап.

Барлығы ТЖД жеке құрамынан 59-ға жуық адам және 16 бірлік техникасы жұмылдырылды.

Газ-түтіннен қорғау қызметінің 4 буыны жұмыс жасауда.

Өрт орнында жедел штаб құрылды. Қазақстан ТЖМ Командалық орталығы өртті сөндіру үшін күштер мен құралдар санын өсіруді тапсырды.

Оқиға орнында Алматы ТЖД 78 құтқарушысы мен 28 бірлік техникасы жұмыс істеуде.