Меншікті өндіріс
Біз әлеуметтік желілердеміз
Зардап шеккендер жоқ
Бүгін «112» пультіне Алматы қаласының Алатау ауданындағы Дарабоз шағын ауданында орналасқан 12 қабатты көппәтерлі тұрғын үйде өрт шыққаны туралы хабарлама келіп түсті, деп хабарлайды Almaty.tv.
ТЖМ-нің алғашқы бөлімшелері келген кезде пәтерлердің бірінің ас үй бөлмесінде 11-қабатта ашық жалынмен өрт болып жатқаны анықталды.
Құтқарушылар дереу барлау жұмыстарын жүргізуге, тұрғындарды құтқаруға және эвакуациялауға кірісті. Газ-түтіннен қорғау қызметінің буындары баспалдақ маршы арқылы, құтқару қалпақтарын пайдалана отырып, 10 адамды, оның ішінде 4 баланы құтқарды. Сондай-ақ шамамен 100 адам эвакуацияланды.
Өрт толығымен сөндірілді. Зардап шеккендер жоқ. Өрттің шығу себептері анықталуда.
ТЖМ ескертеді: өрт немесе басқа да төтенше жағдай туындаған кезде «112» нөміріне дереу хабарлау қажет.
Оқи отырыңыз: Самокат тізгіндеушілерге қойылған жаңа талаптар қалай орындалып жатыр