Астанадағы Кенесары хан ескерткішінің іргетасы құлайын деп тұр

29.10.2024 21:38

Нысанды бөлшектеу биылғы қараша айында басталады

Астана қаласы әкімдігінің баспасөз қызметі

Қаланың Мәдениет басқармасы тарихи-мәдени мұраны сақтау мақсатында 2024-2025 жылдары Есіл өзенінің жағасында орналасқан Кенесары хан ескерткішін қайта жаңарту жоспарланғанын мәлімдеді, деп хабарлайды Almaty.tv.

Астана қалалық әкімдігі баспасөз қызметінің хабарлауынша, ғылыми-техникалық зерттеу нәтижелеріне сәйкес, нысан апатты деп танылды. Нысан іргетасының құлау қаупі бар.

Нысанды бөлшектеу биылғы қараша айында басталады. Нысанның өзі жаңартылғаннан кейін 2025 жылдың көктемінде орнына қайтарылады деп жоспарлануда.

"Жаңарту жұмысы бөлшектеу және оны кейіннен қалпына келтіру, тұғырды және оған іргелес аумақты бөлшектеу, бұрғылау үйіндісін орнату, сондай-ақ құрылымды кейіннен монтаждау және тұғырды қаптау материалымен әрлеуді қамтиды" – делінген хабарламада.

Оқи отырыңыз: Алматыдағы ЖЭО-1 автоматтандырылған мониторинг жүйесіне қосылды

Теги: ескерткіш Астана тарихи мұра
Алдыңғы жаңалық
Еліміздің барлық өңірінде алғашқы қоңырау соғылды
Келесі жаңалық
Қонаев қаласында жол апатынан 48 жастағы әйел көз жұмды