Атырауда із-түзсіз жоғалып кеткен жігіттің денесі табылды

Атырауда із-түзсіз жоғалып кеткен 24 жастағы Жасұлан Үмбетовтің мәйәті табылды, деп хабарлайды Аlmaty.tv тілшісі «Ақ Жайық» басылымына сілтеме жасап.

«Бірнеше күн бұрын жоғалып кеткен жас жігіт Жилгородоктағы жаяу жүргіншілер көпірінен секіріп, өз-өзіне қол жұмсаған», - делдінген хабарламада.

Бұл ақпаратты марқұмның туыстары мен құқық қорғау органдарының қызметкерлері растады. Оның сүйегі Жайық өзенінен табылды.

Бұған дейін отбасы оның үйден шығар алдында телефонын қалдырып кеткенін, оның жады мен контактілерін толығымен тазалап тастағанын хабарлаған. Камера оны соңғы рет Алмагүл шағынауданында тіркеген.

Оқи отырыңыз: Алматыда жол ережелерін қасақана бұзған жүргізушілер анықталды