Атырауда қамыс өрті әлі сөндірілмеді

Атырауда үш күн бұрын басталған қамыс өрті ырық бермей тұр, деп хабарлайды Almaty.tv.

Оқиға орнында 100 шақты адам мен 25 техника жұмыс істеп жатыр. Абырой болғанда, зардап шеккендер жоқ.

Жалын 31 мамырда Дамбы ауылынан 20 шақырым жерде орналасқан «Ақжайық» резерватында басталған. Соңғы ақпаратқа сәйкес, 980 гектар аумақ күлге айналыпты. Әзірге өрттің неден шыққаны белгісіз.

«Рейдтік шаралар, түсіндіру жұмыстары жүргіземіз. Былтырмен салыстырғанда резерваттың аумағындағы бірінші өрт, өткен жылы ешқандай оқиға тіркелмеді», – деді облыстық ТЖД бастығының орынбасары Дәурен Берденов.

Оқи отырыңыз: Құлсарыдағы жарылыс: науқастардың жағдайы белгілі болды