Атырауда уақытша ұстау изоляторындағы азаматтың өліміне қатысты тергеу басталды

Атырау қаласында әкімшілік қамауға алынған 55 жастағы ер адам уақытша ұстау орнында көз жұмды. Белгілі болғандай, марқұм бұған дейін ұлының арызы негізінде «Отбасылық-тұрмыстық қатынастар саласындағы құқыққа қарсы әрекеттері» үшін 10 тәулікке қамалған болатын, - деп хабарлайды Almaty.tv.

Бейресми мәліметтерге сәйкес, ол камера ішіндегі кереует құрылымын пайдаланып, өз-өзіне қол жұмсаған. Оқиға орнына жедел түрде медициналық және тиісті қызмет өкілдері шақырылғанымен, азаматтың өмірін сақтап қалу мүмкін болмады. Қазіргі уақытта бұл дерек бойынша қылмыстық іс тіркеліп, жан-жақты тексеру жұмыстары жүріп жатыр.

«Өз-өзіне қол жұмсау дерегіне қатысты қазіргі таңда қылмыстық іс қозғалды. Оқиғаның барлық мән-жайын анықтауға бағытталған кешенді тергеу амалдары жүргізілуде. Өзге ақпарат тергеу мүддесіне сәйкес жариялауға жатпайды», – деді Атырау облыстық ПД баспасөз хатшысы Мейірім Ердәулет.

Оқи отырыңыз: Қазақстанда 303 зертхана жұмыс істеп тұр: ғылым мен бизнестің интеграциясы