Ауыр соққыдан көз жұмған: Таразда қатарласын өлтірген жасөспірімге қатысты сот үкімі шықты

Таразда мектеп қабырғасында қатарласын соққыға жығып, бақилық қылған жасөспірімге қатысты сот үкімі шықты, деп хабарлайды Almaty.tv.

Қайғылы жағдай былтыр қыркүйекте №47 мектеп болған. Екінші сабақтан соң 9 сынып оқушылары мектеп әжетханасында жиналып, өзара дауласқан. Арты төбелеске айналып, соққы тиген 15 жастағы жәбірленуші мойынынан жарақат алған. Ол жәдел жәрдем келгенше көз жұмды. Сот үкіміне сәйкес, жасөспірім шамамен 7 жылын түзеу мекемесінде өткізеді. Сонымен қатар сот айыпталушының ата-анасын марқұмның отбасына 10 миллион теңге көлемінде моральдық өтемақы төлеуге міндеттеді. 

«Кәмелетке толмаған құрдасы А-ға қатысты физикалық зорлық-зомбылық көрсеткен. Мойын жарақатының нәтижесінде жәбірленуші оқиға орнында қаза болған. Сот тергеу барысында кәмелетке толмаған сотталушы кінәсін ішінара мойындады. Қылмыстық кодекстің 106-бабы, 3-бөлігімен кінәлі деп танылып, 6 жыл, 8 ай мерзімге бас бостандығынан айыру жазасы тағайындалды», – деп хабарлайды Кәмелетке толмағандардың істері жөніндегі мамандандырылған ауданаралық сотының судьясы Дәурен Байназаров.

Оқи отырыңыз: Жамбыл облысында аса ірі мөлшерде есірткі сатқан 4 тұрғын ұзақ жылға сотталды