Бөбекжайда бүлдіршінді ұрған маман қамауға алынды

Шымкентте балабақша қызметкері 3 жасқа толмаған бүлдіршіннің бетінен сызғышпен ұрған. Аталған жағдайдың видеосы әлеуметтік желіде тараған соң, көпке мәлім болды, деп хабарлайды Almaty.tv.

Ең сорақысы, күтуші бір емес, бірнеше балаға осылай күш қолданған көрінеді. Ал бұл жағдайдан кейін бөбекжай басшылығы тәртіп бұзған маманды жұмыстан шығарып, ата-аналардан кешірім сұрады. Өңірдегі полиция департаменті күдіктінің үстінен қылмыстық іс қозғалып, қамауға алынғанын мәлімдеді.