Мінсіз тазалық: Алматы Backstreet Boys тобының концертіне дайын

Алматыда аңызға айналған Backstreet Boys тобының концерті өтуде. Қала қонақтары мен тұрғындарды жоғары деңгейде қарсы алуға дайын. Тазалық концерт алдында да, одан кейін де қамтамасыз етіледі, – деп хабарлайды Almaty.tv тілшісі Vecher.kz сайтына сілтеме жасап.

 «Алматы Тазалық» кәсіпорын қызметкерлері мәдениет пен тазалықты қатар ұстап, алаңда тәулік бойы кезекшілік атқаруда.

«Жұмысымызды концерт басталмай тұрып-ақ бастаймыз. Міндетіміз — көрермендерге байқатпай, айналаны таза ұстау», – деді «Алматы Тазалық» бригадирі Нүсүпжан Айым.

«Ауқымды іс-шараларды ұйымдастыру тәжірибесі бар. Бұған дейін Jennifer Lopez концертіне қызмет көрсетіп, тапсырманы жоғары деңгейде орындадық. Бүгінгі шара да соның жалғасы», – дейді кәсіпорын қызметкері Майра Әбдреева.

Арнайы бригадалар концерт бойы және ол аяқталғаннан кейін де жұмыс істейді.

Оқи отырыңыз: Backstreet Boys алматылықтарды қала күнімен құттықтады