«Дәстүрімізге жат»: Энрике Иглесиасқа сахнада қазақстандық қыздарды сүюге тыйым салына ма

Мәжіліс отырысында мәдениет және ақпарат вице-министрі Қанат Ысқақов Қазақстандағы Энрике Иглесиас концерті туралы пікір білдірді, - деп хабарлайды Almaty.tv. тілшісі.

Энрике Иглесиас әр концертінде ерекше интерактив ұйымдастырады. Әнші көрермендердің арасынан сахнаға бір қызды шығарып, оны сүйетінін журналистер еске салды. Олардың айтуынша, бұл поп-жұлдыздың шоуының міндетті бөлігі. Журналистер Қазақстанда мұндай әрекетке тыйым салынатынын немесе рұқсат етілетінін вице-министрден сұрады.

«Әріптестерімізбен міндетті түрде бұл жайында сөйлесеміз. Заңға қайшы әрекеттер болмауы керек. Сонымен қатар, бұл біздің дәстүрлерімізге, мәдениетімізге, субмәдениетімізге жат. Бізде тек заң ғана емес, этикалық, моральдық нормалар бар, ондай әрекеттер біздің дәстүрлеріміз бен мәдениетімізге сәйкес емес», — деді Қанат Ысқақов.

Еске салсақ, танымал әнші Энрике Иглесиас Қазақстанға келіп, концерт беретіні 27 ақпанда жарияланған еді.

Кейін әншінің өзі де Қазақстанда өнер көрсететінін растады. Сонымен қатар, ол Дженнифер Лопес пен Backstreet Boys тобын мысалға ала отырып, Астана мен Алматыда бірден екі концерт береді.

3 қыркүйекте әнші Астанада өнер көрсетсе, 5 қыркүйекте Алматыдағы Орталық стадионда концерт қояды.

Оқи отырыңыз: Бірегей реестр: енді блогерлер мен коучтар психологиялық қызмет ұсына алмайды