Дүниежүзілік жүрек күніне арналған ашық есік күні өтті

Қалалық кардиологиялық орталықта 29 қыркүйекте аталып өтетін Дүниежүзілік жүрек күніне орай ашық есік күні өтті, деп хабарлайды Almaty.tv.

Бұл күні орталыққа шамамен 250 адам жүгінді. Келушілерге жүректің ультрадыбыстық зерттеуі, ЭКГ және кардиологтың консультациясы жүргізілді.

Қазақстанда жыл сайын жүрек-қантамыр аурулары өлім-жітімнің және өмір сапасының төмендеуінің негізгі себебінің бірі болып қала береді. Міне, бірнеше статистикалық дерек:

Қазақстанда жыл сайын 40 мыңнан астам адам жүрек-қантамыр ауруынан көз жұмады.

Жүрек-қантамыр ауруларының анықталуының жақсарғаны қуантады. Өйткені жүрек пен қан тамыры аурулары әлем бойынша өлім-жітімнің бірінші себебі. Қазақстанда да жағдай соған ұқсас.

Осындай науқан тек тегін тексеруден өтуге ғана емес, әркімге өз денсаулығын жүйелі бақылаудың маңызын еске салуға мүмкіндік береді. Себебі уақтылы диагностика мен профилактика жүректі сау сақтап, белсенді өмірді ұзартады.

Оқи отырыңыз: Almaty Marathon шетелдік қатысушылар саны жөнінен рекорд жаңартты