Елімізде ана мен сәби өлімі көрсеткіші қанша пайызға төмендеді

Денсаулық сақтау министрлігінің мәліметіне сүйенсек, биыл елімізде ана мен сәби өлімі көрсеткіші біршама төмендеді, деп хабарлайды Аlmaty.tv ведомствоның баспасөз қызметіне сілтеме жасап.

Жалпы және нәресте өлімінің төмендеуі

2025 жылғы 1 қазандағы жағдай бойынша елде жалпы өлім 2,7%-ға, ал нәресте өлімі өткен жылдың сәйкес кезеңімен салыстырғанда 20,2%-ға төмендегені тіркелді.

18 перинаталдық орталықтың базасында «Бір күндік клиникалар» жұмыс істейді, онда 100 мыңға жуық жүкті әйел бір сапар шеңберінде тексерулерді қоса алғанда, 500 мыңнан астам қызмет алды.

Бағдарламаны іске асыру ұрықтың туа біткен кемістіктерін анықтаудың 13%-ға өсуіне, пренаталдық скринингтермен қамтудың 8%-ға ұлғаюына, даму кемістіктерінен нәресте өлімінің 15%-ға және даму ауытқуларынан бастапқы мүгедектіктің 7,5%-ға төмендеуіне әкелді.

Бұл динамика медициналық-санитариялық алғашқы көмекті күшейтудің, неонаталдық скринингтерді енгізудің, әмбебап патронаж қызметінің нәтижелерінің, жалпы аналар мен балаларға медициналық көмектің сапасын арттыру нәтижесінде болды.

Ана өлімін азайту

2025 жылы Қазақстанда ана өлімі 12%-ға төмендеп, тарихи ең төменгі мәнге жетті.

Бұл көрсеткішке «Аналар саулығы» жаңа бағдарламасын енгізуді қоса алғанда, денсаулық сақтаудың бастапқы буынының реформалары елеулі үлес қосты, оның шеңберінде жүктілікті жоспарлау кезеңінде әйелдер МӘМС есебінен тексерудің 12 тегін түрінен өте алады.

Прегравидальдық дайындықпен қамту 23%-ға өсіп, 46,1%-ды құрады. Ерте мерзімде есепке тұрған әйелдердің саны 10%-ға өсті.

Жоғары технологиялық көмектің қолжетімділігін арттыру мақсатында 22 Облыстық перинаталдық орталықта жүкті әйелдерді мамандандырылған тексерулер мен емдеуге жедел жіберу мүмкіндігімен ұрықты қорғау орталықтары құрылды.

ДДҰ бағалауы бойынша, Қазақстан ана өлімін төмендету бойынша өңір үшін үлгі ел болып танылды.

Оқи отырыңыз: Қазақстанда өмір сүру ұзақтығы қанша жас деп белгіленді