Ерболат Досаев Президент Әкімшілігіндегі қызметінен босатылды

Ерболат Досаев Президент Әкімшілігіндегі қызметінен босатылды, деп хабарлайды Almaty.tv.

Бұл туралы Ақорданың баспасөз қызметі хабарлады.

"Мемлекет басшысының Жарлығымен Ерболат Асқарбекұлы Досаев Қазақстан Республикасы Президентінің Әкімшілігі Басшысының орынбасары лауазымынан босатылды", - делінген хабарламада.

Ерболат Асқарбекұлы 1970 жылғы 21 мамырда Алматы қаласында дүниеге келген.

Ол 1993 жылы Алматы энергетикалық институтын, сондай-ақ Мәскеудің Бауман атындағы мемлекеттік техникалық университетін бітірген. Мамандығы – электрондық техника инженері.

Еңбек жолы:

– 1993 - 1994 жж. – менеджер, «Іскер» халықаралық ғылыми-өндірістік кәсіпорны;

– 1994 ж. – директордың орынбасары, «Вега» шағын кәсіпорны;

– 1994 - 1996 жж. – директордың орынбасары, директор, «Фирма «Акцепт» ЖШС;

– 1996 - 1997 жж. – директор, бірінші вице-президент, бас директор, «Корпорация «Акцепт» ЖТАҚ;

– 1997 ж. ақпан - тамыз – басқарма төрағасының орынбасары, «Банк Тұран-Алем»;

– 1997 ж. тамыз - 1998 ж. наурыз – басқарма төрағасы, «Алматинский торгово-финансовый банк» ЖАҚ;

– 1998 ж. наурыз - шілде – ҚР Премьер-Министрінің кеңесшісі;

– 1998 ж. шілде - 2000 ж. ақпан – ҚР Энергетика, индустрия және сауда вице-министрі;

– 1999 ж. желтоқсан - 2001 ж. шілде – ҚР Бағалы қағаздар жөніндегі ұлттық комиссиясының мүшесі;

– 2000 ж. ақпан - 2001 ж. қараша – ҚР Қаржы вице-министрі;

– 2001 ж. қараша - 2002 ж. тамыз – ҚР Табиғи монополияларды реттеу, бәсекені қорғау және шағын бизнесті қолдау агенттігінің төрағасы;

– 2002 ж. қыркүйек - 2003 ж. маусым – ҚР Табиғи монополияларды реттеу және бәсекені қорғау агенттігінің төрағасы;

– 2003 ж. маусым - 2004 ж. сәуір – ҚР Қаржы министрі, ЕБРР-дегі Қазақстанның басқарушысы;

– 2004 ж. сәуір - 2006 ж. қыркүйек – ҚР Денсаулық сақтау министрі;

– 2012 ж. қыркүйек - 2013 ж. қаңтар – ҚР Экономикалық даму және сауда министрі;

– 2013 ж. қаңтар - 2014 ж. тамыз – ҚР Экономика және бюджеттік жоспарлау министрі;

– 2014 ж. тамыз - 2016 ж. мамыр – ҚР Ұлттық экономика министрі;

– 2016 ж. мамыр - 2017 ж. тамыз – «Бәйтерек» ұлттық басқарушы холдингі» АҚ басқарма төрағасы;

– 2017 ж. тамыз - 2019 ж. ақпан – ҚР Премьер-Министрінің орынбасары;

– 2019 ж. ақпан - 2022 ж. қаңтар – ҚР Ұлттық банк төрағасы;

– 2022 жылғы 31 қаңтарда  Алматы қаласының әкімі.

 – 2025 жылғы қыркүйектен ҚР Президентінің Әкімшілігі Басшысының орынбасары қызметтерін атқарды.

Оқи отырыңыз: Мемлекет басшысы Грекия президентіне құттықтау жеделхатын жолдады