Гонконгтағы тұрғын үй өртінен қаза тапқандар саны 146-ға жетті

Гонконгтағы соңғы онжылдықтардағы ең алапат өрттен қаза тапқандар саны 146 адамға дейін жеткен, деп хабарлайды Аlmaty.tv.

South China Morning Post басылымының жазуынша, мерт болғандардың денелері пәтерлерден, баспалдақтар мен дәліздерден табылған. Оқиға бойынша қылмыстық тергеу басталды.

Негізгі мәліметтер:

• Қаза тапқандар — 146 адам, оның ішінде бір өрт сөндіруші бар.
• 79 адам жарақат алған (арасында 12 өрт сөндіруші).
• Шамамен 40 адам із-түзсіз жоғалған деп танылған; тағы 100-ге жуық жағдай «анықталмаған» санатына жатқызылған.
• Тұрғын кешендегі сегіз блок 2024 жылдың шілдесінен бері жөндеуде болған, ғимараттар бамбук тұрқыларымен және жасыл құрылыс торларымен қапталған.
• Өрттің тез таралуына жөндеу кезінде қолданылған жанғыш пенополистирол себеп болған.
• Үш күндік жалпыұлттық аза күні жарияланды, барлық мемлекеттік нысандарда тулар төмен түсірілді.
• Жеті индонезиялық құтқарушының қаза тапқаны расталды, тағы 79-ы жоғалған.
• Қытай билігі Гонконгтың құтқару шараларын жоғары бағалап, қолдау көрсетуге дайын екенін мәлімдеді.

Жексенбі күні қаралы оқиғадан еңсесі езілген қала тұрғындары өрт орнына және қаланың әр бөлігіндегі арнайы қойылған орындарға гүл шоқтарын әкеліп, марқұмдарға құрмет көрсетті. Азалы топтың кезегі Тай Во станциясына дейін 2 шақырымға созылған.

Айта кетейңа, өрт сәрсенбі күні сағат 14:51-де басталып, қысқа уақыт ішінде бесінші деңгейдегі ең жоғары қауіпті санатқа жеткен. Қою қара түтін аспанға көтеріліп, жалын тұрғын үй кешеніндегі сегіз үйдің жетеуіне жайылған. Құтқару және қалпына келтіру жұмыстары бесінші күн қатарынан жалғасып жатыр.

Оқи отырыңыз: Полиция тұрмыстық зорлық-зомбылыққа қарсы күресті күшейтті