Меншікті өндіріс
Біз әлеуметтік желілердеміз
Қарағанды облысында жойғыш ұшақ апатқа ұшырады: Қорғаныс министрлігі пікір білдірді
Қорғаныс министрлігінің арнайы комиссиясы құрылды
25 ақпанда Қарағанды облысында жоспарлы оқу-жаттығу ұшулары барысында Су-30СМ жойғыш ұшағы апатқа ұшырады, деп хабарлайды Almaty.tv.
Қорғаныс министрлігінің баспасөз қызметінен хабарлағандай, ұшақ экипажы дер кезінде катапульт жасады.
"Ұшқыштар дін аман, олардың өмірі мен денсаулығына қауіп жоқ. Қазіргі уақытта медициналық мамандардың бақылауында.
Ұшақ құлаған аумақ қоршауға алынды. Тұрғындар мен инфрақұрылым нысандарына еш қауіп жоқ", - делінген ведомство хабарламасында.
Белгілі болғандай, оқиғаның себептері мен мән-жайын анықтау үшін Қазақстан Республикасы Қорғаныс министрлігінің арнайы комиссиясы құрылды.
Комиссияны ұшу қауіпсіздігі жөніндегі департамент басқарады. Құрамына авиациялық қызметтің арнайы мамандары кірді.
Тергеу қорытындысы бойынша құқықтық баға беріліп, процессуалдық шешім қабылданады.
Оқи отырыңыз: Барлыбай Садықов Қазақстанның Руандадағы елшісі қызметін қоса атқарады