Меншікті өндіріс
Біз әлеуметтік желілердеміз
Еліміздің барлық өңірінде науқан қарқынды жалғасып жатыр
Қазақстан өңірлерінде жем-шөп дайындау науқаны жалғасуда. Облыстар әкімдіктерінің жедел мәліметтеріне сәйкес, ауыл шаруашылығы тауарын өндірушілер алдағы қысқы мал қыстату кезеңіне жоспарланған көлемнің 67%-ын құрайтын барлық түрдегі 27,9 млн тонна жемшөп дайындады, деп хабарлайды Almaty.tv.
Ауыл шаруашылығы министрлігінен хабарлағандай, оның ішінде 22,8 млн тонна шөп, немесе жоспардың 89%-ы, 2,1 млн тонна пішендеме (90%), 1 млн тонна құрама жем, 446,2 мың тонна сүрлем және 1,5 млн тонна сабан дайындалды.
Қысқы мал қыстату кезеңін тұрақты өткізу және сақтандыру қорын қалыптастыру мақсатында «Азық-түлік келісімшарт корпорациясы» акционерлік қоғамы 201,3 мың тонна астық көлемінде жемшөп қорын қалыптастырды. Қажет болған жағдайда бұл резерв ауыл шаруашылығы тауарын өндірушілерді жемшөп ресурстарымен қамтамасыз етуге пайдаланылады.
Еліміздің барлық өңірінде науқан қарқынды жалғасып жатыр.
Ауыл шаруашылығы министрлігі өңірлер әкімдіктерімен бірлесіп, жемшөп дайындау науқанының барысын бақылауда. Жүргізіліп жатқан мониторинг және резервтерді уақтылы қалыптастыру мал шаруашылығы қожалықтарын қажетті жемшөп қорымен қамтамасыз етуге және алдағы қысқы мал қыстату кезеңін тиянақты өткізуге бағытталған.
Оқи отырыңыз: Қазақстандық балуан U20 әлем чемпионатында күміс жүлдеге ие болды