Қазақстанда Ұлттық кітап күніне орай кітап апталығы басталды

23 сәуірде Қазақстанда Мемлекет басшысы Қасым-Жомарт Тоқаевтың бастамасымен бекітілген Ұлттық кітап күні атап өтіледі, деп хабарлайды Almaty.tv. 

Осыған орай елдің барлық өңірінде кітап оқу мәдениетін арттыруға және зияткерлік әлеуетті дамытуға бағытталған кітап апталығы ұйымдастырылады.

ҚР Мәдениет және ақпарат министрлігінің баспасөз қызметінің хабарлауынша, апталық аясында 1500-ден астам іс-шара өткізу жоспарланған. Бағдарлама келесі күндерді қамтиды:

• 16 сәуір – «Артық білім кітапта…»
• 17 сәуір – «Сөз өнеріндегі өлкетану»
• 18-19 сәуір – «Weekend. Book. Vibes»
• 20 сәуір – «Кітапхана түні» акциясы
• 21 сәуір – «Кітап. Тарих. Шежіре»
• 22 сәуір – «Кітап – достық амбассадоры»
• 23 сәуір – Ұлттық кітап күні.

Бүгінгі күн «Артық білім кітапта…» тақырыбымен өтуде. Бұл күн кітаптың оқу мен ағартудың, рухани дамудың қайнар көзі ретіндегі мәнін айқындауға бағытталған. Осы орайда елімізде кітап фестивальдері, ашық есік күндері, жәрмеңкелер, кітап оқу марафондары, сондай-ақ баспалар мен кітап дүкендері бірлесіп түрлі іс-шаралар өткізеді.

Кітапханаларда келушілер үшін тақырыптық көрмелер, таныстырылымдар мен түрлі бағдарламалар ұйымдастырылып, кітапқа деген қызығушылықты арттыруға және оның қоғамдағы орнын нығайтуға ерекше мән беріледі.

Оқи отырыңыз: Ақордада төрт елдің жаңа елшілері Президентке сенім грамоталарын тапсырды