Меншікті өндіріс
Біз әлеуметтік желілердеміз
Кәсіпкерден 2 млн теңге бопсалаған: Атырауда блогер ұсталды
06.06.2025 12:17
Күдікті уақытша ұстау изоляторына қамауға алынды
polisia.kz
Атырауда кәсіпкерден 2 млн теңге бопсалаған күдіктілер ұсталды, деп хабарлайды Аlmaty.tv тілшісі Polisia.kz-ке сілтеме жасап.
Атырауда 33 жастағы видеоблогер мен 39 жастағы қала тұрғыны ұсталып, уақытша ұстау изоляторына қамауға алынды.
«Олар жеке кәсіпкерден 2 миллион теңге қорқытып алды деген күдікке ілінді. Сондай-ақ тінту шаралары кезінде полиция қызметкеріне күш қолданған», - делінген хабарламада.
Қазіргі уақытта күдіктілерге қатысты қорқытып алу және билік өкіліне күш көрсету әрекеттері бойынша қылмыстық іс қозғалып, тергеу амалдары жүргізілуде.
Өзге ақпарат тергеу мүддесіне сәйкес жариялауға жатпайды.
Оқи отырыңыз: Біреуі - бала: Петропавлда жантүршігерлік жол апатынан 4 адам қаза тапты