Мамыр айындағы мемлекеттік мерекелер мен демалыс күндері

2026 жылы мамыр айында қазақстандықтар мерекелік және демалыс күндерін қосқанда жалпы 14 күн демалады, деп хабарлайды Almaty.tv тілшісі.

Мемлекеттік мерекелер:

• 1 мамыр (жұма) – Қазақстан халқының бірлігі мерекесі;

• 7 мамыр (бейсенбі) – Отан қорғаушылар күні;

• 9 мамыр (сенбі) – Жеңіс күні.

Маңызды ескерту: 9 мамыр сенбіге сәйкес келгендіктен, «Мерекелер туралы» заңға сәйкес демалыс күні 11 мамырға (дүйсенбі) ауыстырылады.

Діни мереке:

• 27 мамыр (сәрсенбі) – Құрбан айттың бірінші күні. Бұл күн де демалыс болып есептеледі.

Жұмыс аптасына қарай демалыс кестесі

5 күндік жұмыс аптасы бойынша: Мамырдың 1, 2, 3, 7, 9, 10, 11 және 27-сі демалыс күндері болып бекітілді. Осылайша, мамыр айының басында қатарынан 3 күн (1-3 мамыр) және келесі аптада тағы бірнеше күн демалуға мүмкіндік бар.

6 күндік жұмыс аптасы бойынша:

• 1 мамыр – демалыс;

• 2 мамыр – жұмыс күні;

• 3 мамыр – демалыс;

• 7, 9, 10 мамыр – демалыс;

• 11 мамыр – жұмыс күні;

• 27 мамыр – демалыс.

Кәсіби және халықаралық мерекелер

Мамыр айында демалыс берілмесе де, атап өтілетін маңызды кәсіби даталар бар:

• 17 мамыр – Байланыс қызметкерлері күні;

• 21 мамыр – Мәдениет және өнер қызметкерлері күні;

• 31 мамыр – Химия өнеркәсібі қызметкерлері күні.

Сондай-ақ, ай барысында Дүниежүзілік баспасөз бостандығы күні (3 мамыр), Халықаралық отбасы күні (15 мамыр) және Бүкіләлемдік темекісіз күн (31 мамыр) сияқты БҰҰ деңгейіндегі маңызды шаралар аталып өтеді.

Оқи отырыңыз: «Таза Қазақстан»: Алматыда 2026 жылы 550 мыңнан астам жасыл желек егіледі