Меншікті өндіріс
Біз әлеуметтік желілердеміз
Рэпер көрермендердің денсаулығы мен қауіпсіздігі басты басымдық болып қала беретінін мәлімдеді, деп хабарлайды Almaty.tv тілшісі.
Канье Уэст Алматыдағы концертінің 15 тамызға ауыстырылуына қатысты пікір білдірді. Әртіс X әлеуметтік желісіндегі парақшасында концерттің ауа райына байланысты кейінге шегерілгенін жазды.
«Құрметті Алматы тұрғындары! Ауа райына байланысты бүгінгі концерт ертеңге ауыстырылады. Сіздердің денсаулықтарыңыз бен қауіпсіздіктеріңіз – біз үшін басты басымдық. Ертең кездескенше», – деп жазды Ye.
Стадиондағы ұйымдастырушылар концертті келесі күнге ауыстыруға мәжбүр болғандарын хабарлады. Олардың айтуынша, концерт 15 тамызда бұрын белгіленген уақытта өтеді. Сатып алынған барлық билеттер жарамды болып қалады және оларды бұрынғы сілтемелер арқылы пайдалануға болады.
Бастапқыда Ye-дің Алматыдағы Орталық стадионда өтетін концерті «YE TOUR 2026» әлемдік туры аясында 14 тамызға жоспарланған болатын. Бұған дейін ұйымдастырушылар концерттің 15 тамызға ауыстырылғанын растады. Билеттер платформасының өкілдері де концерттің кейінге шегерілгенін хабарлап, ресми мәлімдеме қосымша жарияланатынын атап өтті.
Оқи отырыңыз: Қазақстанда «ақылды» қалалар мен өңірлерді дамытудың жаңа әдістемесі бекітілді