Қарағандыда 40 жетім бала әділдікке қол жеткізіп, баспаналы болды

Қарағандыда жетім және ата-анасының қамқорлығынсыз қалған 40 бала үйін тапты, деп хабарлайды Almaty.tv.
Бұл тұрғын үй берудегі заң бұзушылықтарды анықтап, әділеттілікке қол жеткізген Әлихан Бөкейхан ауданы прокуратурасының араласуының арқасында мүмкін болды.

Прокуратураның қолдауымен жергілікті атқарушы органдар пәтер беруді қамтамасыз етті.

"Көптеген бала үшін бұл жай ғана баспана кілті емес, бұл – қалыпты және қауіпсіз өмір сүру мүмкіндігі. Балалардың құқықтарын қорғау жұмыстары жалғасып жатыр және аудан прокуратурасының басым бағыттарының бірі болып қала бермек", - делінген облыстық прокуратура хабарламасында.

Дереккөз: ҚазАқпарат.

Оқи отырыңыз: Газ жарылып, бір адам қаза тапты: оқиға орнында жедел штаб құрылды