Көлік өрті көбейді: Шымкентте бір жылда 78 жағдай тіркелген

Шымкентте көліктердің өртенуі жиілеп кетті. Былтыр 45 автокөлік жанса, биылғы көрсеткіш қазірдің өзінде 78-ге жеткен, деп хабарлайды Аlmaty.tv.

Мамандардың айтуынша, негізінен ескі темір тұлпарлар отқа оранып жатыр. Сондай-ақ бұл жағдайды оңтүстік өңірдегі ыстық ауа райы ушықтырып тұрған көрінеді.

«Тіркелген 78 жағдайдың 48 пайызы 1990-2000 жылдары шығарылған көліктерге тиесілі. Өрт оқиғаларының көбеюіне автокөліктердің ескіре бастауы әсер етіп отыр. Әсіресе ескі машиналардың сымдары тозғандықтан өрт шығу қаупі жоғары», - деді ТЖД бастығының орынбасары Сергей Огай.

Оқи отырыңыз: Павлодардағы жылу-электр орталығында жұмысшы көз жұмды