Астанадағы ірі құрылыс дауы: мыңдаған үлескер баспанасыз қалды

Астана қаласы бойынша Қаржылық мониторинг агенттігінің департаменті бірқатар құрылыс компанияларының басшысы Мөлдір Сүйіншалиге қатысты ірі көлемдегі алаяқтық фактісі бойынша тергеу амалдарын жүргізуде, деп хабарлайды Almaty.tv.

Тергеу мәліметтеріне сәйкес, 2021-2024 жылдар аралығында Мөлдір Сүйіншали өзіне қарасты компаниялар арқылы «Nura Elite» коттедж қалашығын саламын деген желеумен азаматтардың қаражатын заңсыз иеленген.

Жоба бойынша 37 коттедж бен 24 таунхаус салынуы тиіс болатын. Алайда, құрылыс мерзімі 2023 жылдың 4-тоқсанында аяқталуы керек болса да, бүгінгі күні таунхаустардың тек қаңқасы ғана тұр. Сатып алушылармен алдын ала сатып алу-сату шарттары жасалғанымен, уәде етілген баспаналар өз иелеріне берілмеген.

Тергеудің негізгі деректері:

• Зардап шеккендер саны: 56 адам.

• Жалпы шығын: 3,9 млрд теңге.

• Қаражатты жымқыру: Ақшаның бір бөлігі (322 млн теңге) Мөлдір Сүйіншалидің, оның жұбайы мен анасының жеке шоттарына аударылған, ал 145 млн теңге қолма-қол ақша түрінде шешіп алынған.

Сондай-ақ, тергеу барысында жылжымайтын мүлікті қайта сату (екі мәрте сату) фактісі анықталды. Толық төленген коттедждердің бірі күдіктінің жеке міндеттемелері бойынша кепілге қойылып, кейіннен үшінші тұлғаларға қайта-қайта сатылып кеткен.

Тергеу анықтағандай, үлескерлердің қаражаты «Асылхан» тұрғын үй кешенін салу үшін Астана қаласынан жер учаскесін сатып алуға жұмсалған. Дегенмен, құрылысқа рұқсат беретін құжаттар жоқ бола тұра, Мөлдір Сүйіншали «Біз біргеміз» қайырымдылық қоры (Перизат Қайрат) арқылы мұқтаж әйелге пәтер сыйлағанын жарнамалаған. Іс жүзінде ТК құрылысы мүлдем басталмаған.

Қазіргі таңда сот күдіктіге қатысты үйқамақ түріндегі бұлтартпау шарасын санкциялады. Тергеу жалғасуда.

ҚР Конституциясының 77-бабы 3-тармағының 1-тармақшасына және ҚР Қылмыстық-процестік кодексінің 19-бабы 1-бөлігіне сәйкес, тұлға соттың заңды күшіне енген үкімімен кінәлі деп танылғанға дейін кінәсіз деп есептеледі.