Меншікті өндіріс
Біз әлеуметтік желілердеміз
Қызылордада оқушыны кеудесінен ұрып өлтіріп алған бала сотталды
Биыл ақпанда 9-сынып оқушысы үйіне жақын жерде өлі табылған еді
Қызылордада оқушыны абайсызда өлтіріп алған оқушыға қатысты сот үкімі шықты, деп хабарлайды Almaty.tv тілшісі Massaget.kz-ке сілтеме жасап.
Биыл ақпанда 9-сынып оқушысы үйіне жақын жерде өлі табылған еді.
"Кәмелетке толмаған айыпталушы жәбірленушімен жанжалдасып қалған. Күдікті жәбірленушінің кеуде тұсынан екі рет ұрып жіберген. Салдарынан оқушының жүрегі тоқтап, оқиға орнында мерт болған. Кәмелетке толмаған айыпталушы кінәсін толық мойындамады. Сараптама нәтижесіне сәйкес жәбірленуші соққыдан физикалық жарақат алған", - делінген соттың хабарламасында.
Сот үкімімен кәмелетке толмаған айыпталушы кінәлі деп танылып, 6 жыл 8 айға бас бостандығынан айырылды.
Сот үкімі әзірге заңды күшіне енген жоқ.
Оқи отырыңыз: Интернет-казино белгісі бар ресурстар тізімі жаңартылды