Қызылордада жыл басынан бері 1,5 тоннадан астам есірткі тәркіленді

Қызылордалық полицейлер жыл басынан бері заңсыз айналымнан 1,5 тоннадан аса есірткі затын тәркілеп, 237 қылмыстық істің жолын кескен, деп хабарлайды Аlmaty.tv тілшісі.

Өңірде жедел-профилактикалық іс-шаралар әлі де жалғасуда. Тәртіп сақшылары көпқабатты үйлердің аулаларында, гараждар мен құрылыс аумақтарында, сондай-ақ қатынасы қиын аймақтарға әуеден барлау жұмыстарын жүргізіп, қылмыстық деректерді әшкере етіп отыр.

Бұдан бөлек, үй жағдайында қарасора өсірген 5 фитозертхана табылды.

«2025 жылдың 9 айында есірткі қылмысына қарсы іс-қимыл саласымен барлығы 237 құқықбұзушылық анықталды. Оның 66-ы – есірткі өсіру, 22-і – есірткі өткізу, 5-уі – есірткіні жарнамалау, 1-уі – есірткіні аса ірі мөлшерде сақтау. Заңсыз айналымнан 1 тонна 570 кг есірткі заттары оның ішінде 188 кг марихуана, 437 гр гашиш, 1 тонна 360 кг сора өсімдігі, 9 кг көкнар 2 кг синтетикалық есірткі заттары тәркіленді», - деді Қызылорда облыстық полиция департаменті бастығының бірінші орынбасары Серік Тоқтыбаев.

Оқи отырыңыз: Шымкент жастары 451 пәтерді заңсыз иемденген