Мал ұрлығы: Қызылордада бір тәулікте 3 дерек анықталды

Қазақстанда мал ұрлығына қарсы күре жолға бекет қойылып, рейд басталғалы бірнеше өңірде қылмыс ашыла бастаған. Қызылордалық полицейлер бір тәулікте мал ұрлаудың 3 дерегін анықтады, деп хабарлайды Almaty.tv.

Өңірде тәртіп сақшылары жылжымалы бекеттер қойып, республикалық және облыстың маңызы бар жолдарда тәулік бойы тексеріс жасап жатыр.

"Іс-шараның бір күнінде облыс көлемінде бұрын жасалған 3 мал ұрлығы, ауыл шаруашылық жануарларын құжатсыз тасымалдаған7 дерек, ауыл шаруашылығы жануарларын жаю қағидасын бұзған 12, сондай-ақ ІІО-да тіркелмеген қаруды сақтаудың 1 дерек анықталды. Атқарылған іс-шаралар нәтижесінде мал ұрлығының тіркелуі өткен жылмен салыстырғанда 49 пайызға төмендеген", – деді Полиция департаменті бастығының орынбасары Серік Тоқтыбаев.

Оқи отырыңыз: Балық өсірушілерге субсидия төленуі мүмкін